Entgeege alle anderslutende Bihauptige, hänn scho voor unsere Schtatute, Schtatute us em Grindigsjohr exischtiert. Numme het si niemer kennt, will si bis anno 1974 verscholle gsi sinn und si hitte niemer interessiere und d Glyigge bis jetzt au ooni beschtens funktioniert het. E baar Paragraphe mechte mer aber doch uffzelle:

§ 3 Mitgliider kenne numme aaschtändigi, in guetem Ruef schtehendi Persone wärde (Jesses!)

§ 6 Ussgschlosse ka wärde, war sich ungebyyrlig binimmt und im guete Ruef vo dr Glygge schaadet (ojeeeh!)

§ 9 bis § 12 bihandlet s Gäld, und wenn die Paragraphe yyghalte worde wäre oder wurde, wäre mir e schtinggryychi Glygge, denn es sinn folgendi Byydrääg feschtgleggt worde, und das anno 1921!

- Uffnahmegebyyr: Fr. 5.-

- Monetsbyydraag: Fr. 5.-

Und jetz kunnts: Biesst worde isch mit Fr. 2.-, wär:

- unentschuldigt am Hogg fäält

- unentschuldigt am Waagebau fäält

- bym Waagenabbruch no bidrungge im Bett liggt

Wär will, ka die Byydrääg und Buesse uff die hittigi Zyt hochrächne. Mer wäre datsächlig e ryychi Glygge!

D Schtatute sinn am achte Merze 1921 bischlosse und aagnoo worde.

Die neye Schtatute stamme us em Joor 2004 und sinn us dr Notwändigkeit, vo hittigsdaags offesichtlig neetiger rächtliger Absicherig entstande. Me het si halt…..